ठमेलमा युवती भन्छन् : ‘माकस्सम चिस्सिक्कै छोएन यार’ 

शुक्रबार हुस्सु र कुहिरोभित्र रुमलिएको थियो।

दिनभर बेहुलीले घुम्टो उघार्दा झै झालकझुलुक्कबाहेक घाम देखिएन । यतिकैमा रात पर्‍यो ।

साँझको ८ बज्न लागेको थियो । म  र मेरो  साथी नयाँ वर्ष मनाउने सोचका साथ ठमेल जाने तयारीमा जुटियौँ । र, लाग्यौँ बसस्टतिर । 

हामी बसस्टप पुग्दा बाटो सुनसान भइसकेको थियो । लोकल बस कुद्न छाडिसकेका थिए । बस नपाएपछि हामी हिँड्दै जाने सोचमा थियौँ ।


यतिकैमा भ्यालीबाहिरबाट आउने बस आयो ।  हामीले रौक्यौँ । बस रत्नपार्क हुँदै जाने रहेछ । हामी त्यही बस चढ्यौँ । 
र, केही मिनेटमै रत्नपार्क ओर्लियौँ । बस आफ्नो गन्तव्यतर्फ लाग्यो । हामी पनि पैदल यात्रा गर्दै पुरानो बसपार्कबाट दरबारमार्गतिर लागियौँ ।

मैले पुरानो बसपार्कको मुखैमा एक युवती उभिरहेकी देखेँ । र, मनमनै सोच्यौँ ठमेल नगएर किन यहाँ ?

फेरि सोचेँ कसैलाई कुरेकी होलिन् । हामी अगाडि बढ्यौँ । पुन: अर्को कर्नरमा केटा कि केटी छुट्याउन नसकिने केटी रुपधारी भेट्यौँ । उसले हामीलाई हेर्दै भनी, ‘अँ ‍औँ सेक्सी ।’

उसका ती वचनसँगै हास्दै हामीले भन्यौँ, ‘सेक्सी त छैन हौँ हामी त ।’
त्यसपछि पनि ऊ के-के भन्दै थिई । तर, हामी वास्तै नगरी रत्नपार्कको आकासेपुलतिर लागियौँ ।

त्यहाँ पनि हालत त्यही थियो । साइडमा बसेका केटी र केटाबीच निकै गोप्य भएझै खासखास खुसखुस गरिरहेका थिए । 

त्यति मात्रै नभएर केटीले बाटोमा हिँडिरहेका पुरुषलाई ‘जाने हो, कति रमाइलो हुन्छ' जस्ता उच्छृङ्खल सेक्सुवल शब्द प्रयोग गरेर जिस्काइरहेका थिए ।

बाटामा  बस्नेहरुले हामीलाई पनि धेरै जिस्काए । 'जाने हो भनेर सोधे' । तर, हामी निरुत्तर भएर  हेर्दै हिडेयौँ ।

यी सब कुरालाई बेवास्था गर्दै हामी सोझै ठमेलतिर लागियौँ । 
ठमेल बेहुली झै झिलीमिली रङगीबिरङगी बनाएर आकर्षक बनाइएको थियो ।

क्लब, डान्सबार, होटेल र दोहोरी साँझ धपक्कै बलेका थिए । 
रातको १० बजेको थियो । मानिसको चाप बढिरहेको थियो ।

त्यही भीडमा थिए मसिना बालकहरु । उनीहरु तराई मूलका झैँ  देखिन्थे । बेलुन किनिदिनू न भन्दै चिच्याइरहेका थिए ।

तर, डान्सबार र क्लबबाट गुञ्जिएका गीतमा मन्त्रमुग्ध युवायुवतीले उनीहरुका आवाज सुनिरहेका थिएनन् । 

केही युवतीले पाइन्ट लगाए पनि अधिकांश युवतीले वान पिस लगाएका थिए । त्यसमाथि आँखाभरि गाजल हेर्दा निकै आर्कषक देखिन्थे । तर, केटाहरुले बाक्लै कपडा लगाएका थिए ।

यी दृश्य टाढाबाट हर्दा लाग्थ्यो कि जाडो त पुरुषलाई मात्रै हुँदोरहेछ । 
तर, उनीहरुको छेउमा जाँदा उनीहरु आच्छू-छू गर्दै कापिरहेका थिए । 

final 2.jpg

 

हामी लगभग रातभर नै त्यहीँ बस्यौँ । तर, युवतीले छोटा कपडा लगाउनुको रहस्य भने बुझ्न सकेनौँ ।

यसरी वान पिस लगाएर ठमेल पुग्नेहरुमा अधिकांश १६-२५ र ३०-३५ वर्ष सूमहका युवायुवती थिए । त्यसमा पनि जोडी र केही समूहमा।

रातको ठिक १२ बज्नासाथ ‘ह्यप्पी न्यू इयर’ गर्दै नववर्ष २०२२ लाई भव्यताका साथ स्वागत गरियो ।

युवा युवतीहरु त्यो भीडमा चुरोट र वियरको साथमा झुमिरहेका थिए । 
त्यत्तिकैमा ‘माकसम आज त मलाई चिसिक्कै छोएन यार’ वाक्यांश मेरो कानमा पर्‍यो । 

त्यसको उतरमा अर्कीले भनी, ‘मलाई पनि छोको छैन यार’

यतिकैमा मेरा आँखा हामीतिरै आइरहेको २२-२३ वर्ष उमेर समूहका युवतीमाथि पुग्यो । २२-२३ उमेर समूहका उनीहरु चुरोट तान्दै लाज किन बाबा भन्दै मखिँदै थिए । 

कोही बियर त कोही हिड्नै नसकिरहेका केटीलाई पुरुष साथीले डोहोर्‍याइरहेका थिए । यो दृश्य हेरेर हामी उभिरहेका थियौँ ।

यतिकैमा युवतीको एक हुल हामीतिरै आयो । त्यहीँ हुलभित्रकै एउटीले हामीलाई जिस्क्याउँदै भनी, ‘साथी छैन कि कसो ? साथी लिएर आउनुपर्छ नि । साथी छैन भने हामी छौँ है ।’

युवतीको प्रस्तावबारे हामीसँग कुनै जावफ थिएन । हामी हि...हि... गरेर हास्यौँ मात्रै । र, पनि उनीहरुले हामीलाई छाडेनन् । जिस्क्यइरहे । निशब्द भयौँ । र, त्यो जिस्क्यइँबाट बच्न ‘ह्याप्पी न्यू इयर’ भन्दै शुभकामना दियौँ ।

 

© 2021 Quicknepal.com  |  All Rights Reserved.