काठमाडौं । राष्ट्रिय प्रजातन्त्र पार्टीको सिंगो जिल्ला कार्य समिति नै नेकपा एमालेमा समाहित भएको छ ।
शुक्रबार काभ्रे जिल्ला अध्यक्ष टुल्कु लामासहित राप्रपा जिल्ला कार्य समिति नेकपा एमालेमा समाहित भएको हो ।
पछिल्लो समय विभिन्न पार्टीबाट नेकपा एमालेमा प्रवेश गर्ने लहर चलेको छ ।
शुक्रबारै नुवाकोट जसपा जिल्ला कार्यसमिति पनि नेकपा एमालेमा प्रवेश गरेको छ। जसपा जिल्ला कार्यसमितिले जसपा पार्टीलाई पात्र लेख्दै जसपा नुवाकोट कार्यसमिति नेकपा एमालेमा समाहित भएको हो । देशको विकास एमालेबाट मात्रै सम्भव भएको जिल्ला कार्यसमितिले पार्टीमा लेखेको पत्रमा उल्लेख छ ।
काभ्रे कार्यसमिति राप्रपाबाट नेकपा एमालेमा प्रवेश गर्नेहरुलाई अध्यक्ष केपी शर्मा ओलीले स्वागत गरेका छन् ।
त्यसैगरी नुवाकोटमा जसपाबाट नेकपा एमालेमा प्रवेश गर्नेहरुलाई उपाध्यक्ष अष्टलक्ष्मी शाक्यले स्वागत गरेकी थिइन् ।
काभ्रे राप्रपाबाट नेकपा एमालेमा प्रवेश गर्नेहरुमा उपाध्यक्ष श्रीदास लामा, गंगामाय लामा, सचिव धनजीत लामासहित कार्य समितिका पदाधिकारी र सदस्य छन् ।
सवेशीमध्ये श्रीदास लामा रोशी गाउँपालिका वडा नम्बर १ का अध्यक्ष हुन् भने धनजीत लामा रोशी गाउँपालिका वडा नम्बर ३ बाट निर्वाचित वडाध्यक्ष हुन् ।