काठमाडौं । नेकपा एमालेको राष्ट्रिय युवा संघ नेपाल अन्तर्गत युथफोर्स विभाग संयोजकमा पुष्प श्रेष्ठ मनोनयन भएका छन् ।
पोखरामा जारी राष्ट्रिय युवासंघ नेपालको महाधिवेशन आयोजक कमिटीको पहिलो पूर्ण बैठकले श्रेष्ठलाई युथ फोर्सको संयोजकको जिम्मेवारी दिएको हो ।
यसअघि श्रेष्ठले राष्ट्रिय युवासंघ र युथफोर्स दुवैको उपाध्यक्षको भूमिका निर्वाह गरिसकेका छन् ।
उनी नेकपा एमाले सुद्धीकरणदेखि नै नेकपा एमालेमा रहँदै आएका छन् ।
यसअघि युथ फोर्सको संयोजक छितिज थेबे थिए । पोखरामा जारी बैठकले राष्ट्रिय युवा संघ नेपालको केन्द्रीय कमिटीलाई महाधिबेशन आयोजक कमिटीमा पारीणत गरेको छ ।
महाधिबेशन आयोजक कमिटीको संयोजकमा नेकपा एमालेका केन्द्रीय सदस्य समेत रहेका युवा संघ नेपालका अध्यक्ष किरण पौडेल रहेका छन् ।
बैठकले आगामी फाल्गुन ११ गते संघको राष्ट्रिय महाधिबेशन गर्ने निर्णय गरेको छ ।