काठमाडौ । कोरोना भाइरसको नयाँ भेरियन्ट ओमिक्रोनको जोखिम बढन थालेसँगै पुर्नवास नगरपालिकासँग जोडिएका खुला सीमा नाकामा कडाई गरिएको छ ।
छिमेकी मुलुक भारतमा दैनिक हजारौँको सङ्ख्यामा कोरोना भाइरस सङ्क्रमित देखा परेपछि । नेपालमा असर पर्नसक्ने भन्दै सुरक्षा निकायले सीमा नाकामा कडाइ गर्न थालेको हो ।
खुला नाकाबाट दैँनिक भइरहेको आवतजावतलाई व्यवस्थित र सुरक्षित बनाउनका लागि नगरपालिका अन्तर्गत डोके बजारबाहेक अन्य सबै नाका पूर्ण रुपले बन्द गर्ने निर्णय गरेको नगरपालिकाले जनाएको छ । डोके बजार सीमा नाकामा पनि उच्च सतर्कता अपनाउनुका साथै स्वास्थ्य सुरक्षाका मापदण्ड पालना गराउनका लागि नेपाल प्रहरी र सशस्त्र प्रहरीलाई अनुरोध गर्ने निर्णय गरेको नगरपालिकाले जानकारी दिएको छ ।
अनुसार डोकेबजारमा दैनिक रुपमा भारतबाट आउनेको सङ्ख्या धेरै भएका कारण त्यसलाई व्यवस्थित गर्न र स्वास्थ्य सुरक्षा मापदण्ड पूर्ण पालन गराउनका लागि थप सुरक्षाकर्मी उपलब्ध गराइदिनका लागि जिल्ला प्रशासन कार्यालय कञ्चनपुर र सुदूरपश्चिम प्रदेश सरकारलाई अनुरोध गरिएको छ ।
नगरपालिकाको अनुसार डोके बजारमा रहेको हेल्थ डेस्कमा नियमिति रुपमा कोभिड– १९ को जाँच गर्दा देखिएका सङ्क्रमितमध्ये नगरपालिका क्षेत्रका सङ्क्रमितलाई आइसोलेसन र होम आइसोलेसनमा पुर्याउनका लागि नाकामै तयारी अवस्थामा एम्बुलेन्स राखिएको छ ।