एकैदिन पाँचजना मृत अवस्थामा फेला, को, कहाँ कस्तो अवस्थामा मृत भेटिए ?

काठमाडौं । देशका विभिन्न स्थानमा पाँच जना मृत अवस्थामा फेला परेका छन् । 

बिहीबार देशका विभिन्न स्थानमा उल्लेखित संख्यामा मृत फेला परेका हुन् । 

को, कहाँ मृत फेला परे ? 

प्रहरीका अनुसार काठमाडौं, शंखरापुर नगरपालिका-३ बोझेनी बस्ने ५२ वर्षीय पदम बहादुर थिङ र उनकै श्रीमती ४५ वर्षीया फुल मायाँ थिङ आफ्नै घरमा बिहीबार मृत अवस्थामा फेला परेका छन् ।

त्यसैगरी,  सिन्धुली, सुनकोशी गाउँपालिका-३ झागाझोलीस्थित सुनकोशी नदीको बीच भागमा नाम, थर, वतन नखुलेकी अन्दाजी २५ वर्षीया महिला मृत अवस्थामा फेला परेकी छन् । 

त्यस्तै,ओखलढुङगा, लिखु गाउँपालिका-४ मोसाबारीस्थित निर्माणाधीन सामुदायिक अस्पातलमा लेबर काम गर्ने दैलेख नोमुले गाउँपालिका–३ घर भएका ३१ वर्षीय मन बहादुर विक मोसाबारीस्थित बाटोनजिक बिहीबार मृत अवस्थामा फेला परेका छन् ।

धनकुटा, सागुरीगढी गाउँपालिका-३ इनामे बस्ने ६० वर्षीय डिल्लीश्वर कुरुमवाङ लिम्बू सोही गाउँपालिका-३ बरबोटेस्थित बाटोमा बिहीबार मृत अवस्थामा फेला परेका छन् ।

 

© 2021 Quicknepal.com  |  All Rights Reserved.