सुर्खेत । सुर्खेतमा लागूऔषध सहित दुई जना पक्राउ परेका छन् । भेरीगंगा नगरपालिका-१० तोलीखोलास्थित सडकबाट करिब २ ग्राम ६ सय १० मिलिग्राम अवैध लागूऔषध ब्राउनसुगर जस्तो देखिने पदार्थ सहित २ जनालाई शनिबार बिहान प्रहरीले पक्राउ गरेको हाे ।
पक्राउ पर्नेहरूमा गुर्भाकोट नगरपालिका-८ बस्ने ३२ वर्षीय लक्ष्मण परियार र सोही नगरपालिका-९ बस्ने ३० वर्षीय रेसम वली रहेका छन् । नेपालगंजबाट सुर्खेततर्फ जाँदै गरेको भे.१ ज ८३६ नम्बरको गाडीलाई ईलाका प्रहरी कार्यालय छिन्चुबाट खटिएको प्रहरीले जाँच गर्दा गाडीमा सवार उनीहरूलाई उक्त पदार्थ सहित फेला पारी पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको छ ।