काठमाडौं। सेयरबजारमा लगातार गिरावट आएपछि लगानीकर्तामा थप निराश छाएको छ । गत भदौ २ गतेयता लगातार सेयरबजारमा गिरावट आएपछि लगानीकर्तामा निराशा बढेको हो ।सोमबार सेयर बजारमा ११४ अंकले घटेको छ । ४ प्रतिशतको गिरावटसँगै नेप्से परिसूचक २७ सयमुनि झरेको छ । सोमबार नेप्से परिसूचक २६ सय ९८ अंक कायम हुँदा ८ अर्ब ४९ करोड रुपैयाँको सेयर खरिदविक्री भएको छ । सबै समूहहरु राताम्मे भएका छन्।
बैंकिङ ५१, विकास बैंक ३३२, फाइनान्स २२९, होटल तथा पर्यटन १५८, जलविद्युत २२०, लगानी ५, जीवन बीमा ८००, निर्जीवन बीमा ६१४, माइक्रोफाइनान्स १६२, उत्पादन ९१, अन्य ७० र ब्यापार समूह १५६ अंकले घटेका छन् ।
सबैभन्दा धेरै गुडविल फाइनान्स, पोखरा फाइनान्स, आइसिएफसी फाइनान्स, हिमालय उर्जा विकास कम्पनी, घलेम्दी हाइड्रोपावर, प्रोग्रेसिभ फाइनान्स, युनाइटेड इदी मर्दीको मूल्य १० प्रतिशतले घटेको छ।
सिंगटी हाइड्रोपावर, एक्सल डेभलपमेन्ट बैंक, हिमालय पावर पार्टनर, सेन्ट्रल फाइनान्स, श्री इन्भेष्टमेन्ट फाइनान्स र जोशी हाइड्रोपावरको मूल्य ९।९ प्रतिशतले घटेको छ।
भदौ २ गते नयाँ कीर्तिमानी ३१ सय ९८ अंक कायम गरेपछि ऋण खोजेर लगानी गरेका लगानीकर्ता अहिले धमाधम सेयर बेच्नेतर्फ लागेका छन् ।सोबार चार कम्पनीको मात्रै सेयर मूल्यमा वृद्धि भएको हो । हालै सुचिकृत भएका मनकामना स्मार्ट लघुवित्तको मूल्य ९।९ प्रतिशतले बढेर मूल्य प्रतिकित्ता ९८९ रुपैयाँ कायम भएको छ। डिप्रोक्स लघुवित्तको मूल्य २ प्रतिशतले बढेको छ । त्ययस्तै लक्ष्मी र नयाँ सारथी लघुवित्तको मूल्यमा पनि सामान्य बढेको छ ।