न्यूयोर्क र न्यूजर्सी राज्यमा ठूलो वर्षा भइरहेको छ । वर्षापछिको बाढीका कारण दर्जनौं घर र सडक डुबेका छन् । भवनको तल्लो तलामा बस्ने मानिसहरु फसेका छन् ।
आँधीका न्यूजर्सीमा २३ जना र न्युयोर्कमा कम्तिमा १४ जनाको मृत्यु भएको छ । मृत्यु हुनेमा दुई वर्षीय बालक पनि छन् । त्यसैगरी पेन्सलभेनियाको फिलडेल्फियामा तीन जना र कनेटिकटमा दुई जनाको मृत्यु भएको छ ।
देशभर जलवायु संकटः राष्ट्रपति बाइडेन
अमेरिकी राष्ट्रपति जो बाइडनले जलवायु परिवर्तन संकटसँग जुध्न महत्वपूर्ण लगानी आवश्यक भएको पर्ने बताएका छन् । अमेरिकाले देशैभरि जलवायुसम्बन्धी संकट भोगिरहेको र त्यसको सामना गर्नु भनेको ‘जीवन वा मरणको सवाल भएको’ टिप्पणी गरेका छन् ।
