वातावरण सहज भए आज मन्त्रिपरिषदले पूर्णता पाउन सक्छ: प्रचण्ड

काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्डले आज मन्त्रिपरिषद विस्तार हुन सक्ने बताएका ।

उस्तै परे आज शपथ ग्रहण हुन्छ होला, पूर्णता (मन्त्रिपरिषदले)पाउँछ । आज पचलि टिभिको उदघाटन गर्दै प्रचन्डले यस्तो ,बताएका हुन ।उनले सबै उत्पीडित समुदायलाई, विशेष गरी महिलालाई, अगाडि ल्याउन नयाँ प्रयास गरेको बताए ।

यही प्रयास अनुसार माओवादी केन्द्रको तर्फबाट मन्त्रिपरिषदमा ५० प्रतिशत महिलालाई पठाउने निर्णय गरेको प्रचण्डको भनाइ रहेको छ ।

माओवादी केन्द्रले हिजो तीन मन्त्री र एक राज्यमन्त्रीको नाम टुंगो लगाएको थियो । माओवादीले देवेन्द्र पौडेल, महेश्वर गहतराज, शशी श्रेष्ठलाई मन्त्री र बोधमाया यादवलाई राज्यमन्त्रीमा सिफारिस गरेको थियो । सरकारमा पहिलेदेखि नै माओवादी केन्द्रबाट अर्थमन्त्री जनार्दन शर्मा र ऊर्जामन्त्री पम्फा भुसाल छन् ।

नेपाली कांग्रेस, नेकपा एकीकृत समाजवादी र जनता समाजवादी पार्टी (जसपा )ले मन्त्री बन्नेहरुको नाम टुंगो लगाउन बाँकी छ । अन्य दलहरुले पनि नाम टुंगो लगाएपछि आजै मन्त्रिपरिषद विस्तार गर्ने प्रधानमन्त्री शेरबहादुर देउवाको तयारी रहेको छ ।

 

© 2021 Quicknepal.com  |  All Rights Reserved.