काठमाडौं । अनौपचारिक क्षेत्र सेवा केन्द्र (इन्सेक) ले कात्तिकमा मानवअधिकार उल्लंघन तथा ज्यादतीका घटनामा दुई सय ३१ जना पीडित भएको जनाएको छ । जसअनुसार एक सय चार महिला र एक सय २७ पुरूष गरी दुई सय ३१ जना पीडित भएको इन्सेककको प्रतिवेदनमा उल्लेख छ ।
इन्सेकले मंगलबार प्रकाशित गरेको समाचारअनुसार बागमतीमा एक सय ३४, प्रदेश १ मा २२, लुम्बिनीमा २१, प्रदेश २ मा २०, कर्णालीमा १८, गण्डकीमा १४ र सुदूरपश्चिम प्रदेशमा दुईजना पीडित छन् । कात्तिकमा प्रहरीले १५ जना महिलासहित एक सय १९ जनालाई पक्राउ गरेको जनाइएको छ ।