एमसिसीलाई लिएर गठबन्धनभित्र विवाद, सर्वदलीय बैठकमा कसले के भने ?

काठमाडौं । सर्वदलीय बैठक विनानिष्कर्ष सकिएको छ । 

आइतबार नेकपा एमालेबाहेक बसेको सर्वदलीय बैठकमा सत्तारुढ दलभित्रै एमसिसीबारे मत बाझिँदा बैठक विनानिष्कर्ष सकिएको हो ।

बैठकमा सत्तारुढ नेपाली कांग्रेस बाहेकका दल एमसिसी परिमार्जनबिना पारित गर्न नहुने पक्षमा छन् । 

कसले के भने ?

आइतबार बसेको सर्वदलीय बैठकमा माओवादी अध्यक्ष पुष्पकमल दाहाल ‘प्रचण्ड’ले  एमसिसी संसोधनबिना पारित गर्न नहुने धारणा बताएका थिए ।

त्यसैगरी, एकीकृत समाजवादीका नेता बेदुराम भुसालले पनि यथास्थितिमा एमसिसी पास गर्न नहुने बताए । 

जसपाका तर्फबाट बोलेका बाबुराम भट्टराईले भने अघि बढाउनुपर्ने धारणा राखेका थिए । सत्तारुढ दल नेपाली कांग्रेसबाट रामचन्द्र पौडेल र रामशरण महतले एमसिसी अगाडि बढाउनुपनर्ने बताए । 

यद्यपि प्रवक्ता ज्ञानेन्द्रबहादुर कार्कीले एमसिसीबारे पुन:छलफल गरेर निष्कर्षमा पुग्ने सहमति  बनेको बताए।

© 2021 Quicknepal.com  |  All Rights Reserved.