अस्ट्रेलियामा ओमिक्रोनबाट पहिलो पटक मृत्यु

एजेन्सी ।  अस्ट्रेलियामा कोभिडको नयाँ भाइरस ओमिक्रोनबाट पहिलो पटक १ जनाको मृत्यु भएको छ ।

न्यु साउथ वेल्स राज्यमा ओमिक्रोनबाट एक ८० वर्षीय वृद्धको मृत्यु भएको हो । केयर फेसिलिटीमा संक्रमित उनको उपचारका क्रममा सिड्नीको एक अस्पतालमा मृत्यु भएको हो । पछिल्लो समयमा अस्ट्रेलियामा कोभिड संक्रमितको संख्या बढेको छ । संक्रमितको संख्या बढे पनि अस्पतालमा भर्ना हुने दर भने घटेको छ ।

अस्ट्रेलियामा कोभिडका कारण बन्द गरिएका सीमाना २ वर्षपछि २ साताअघि खुला गरिएको थियो । पछिल्लो समयमा ओमिक्रोन संक्रमित बढेसँगै सीमामा पुनः कडाई पार्ने बारेमा आवाज उठेको छ ।
 

© 2021 Quicknepal.com  |  All Rights Reserved.