ड्युटी सकिएकाे भन्दै पाइलटले गरे रुकुम उडेका जहाज नेपालगञ्जमा अवतरण

काठमाडौँ । नेपाल वायु सेवा निगमका पाइलटले ड्युटी सकिएकाे भन्दै रुकम उडेका जहाज नेपालञ्जमा अवतरण गरेका छन् । 

जहाजका पाइलट पेम्बा शेर्पा थिए । शेर्पाको ड्यूटी बिहान ५ः३० बजे सुरु भएर अपरान्ह ४ बजेसम्म थियो । उनले ४ बजेपछि यात्रुलाई रुकुम पुर्याउन पर्नेमा नेपालगञ्जमा नै अवतरण गराएका हुन् । जहाजमा ८ जना यात्रु थिए ।

नेपाल एयरलाइन्सका कार्यकारी अध्यक्ष युवराज अधिकारीले पाइटलको ड्यूटी आवर एवम् मौसमका कारण रुकुम उडेको जहाज नेपालगञ्ज अवतरण भएको बताए । 

यात्रुले दुख पाएको विषयमा नेपाल वायुसेवा निगमले अध्ययन गरिरहेको उनले बताए ।

संस्कृति, पर्यटन तथा नागरिक उड्डयन मन्त्री प्रेम आलेले नेपाल वायुसेवा निगमका कार्यकारी अध्यक्ष मार्फत पाइलट पेम्बा शेर्पालाई स्पष्टीकरण सोधेको छन् ।

निगममार्फत के करणले बीचमा नै प्लेन अवतरण गरेको हो भन्ने कुरा आउने छ’, मन्त्री आलेले भने, ‘मैले नेपाल वायुसेवा निगमलाई माथि उठाँउन धेरै काम गरेको छु । तर मलाई नै असहयोग भइरहेको छ । म असहयोग भयो भनेर चुप बस्नु मान्छे हैन् । मलाई नेपाल वायुसेवा निगम सुधार गर्नका लागि नै यो मन्त्रालयमा पठाइएको हो ।’

© 2021 Quicknepal.com  |  All Rights Reserved.